WP 26 560x310 - Kaq mijëra raste aktive me COVID-19 në Kosovë pas 6 muajve përballje me pandeminë


Gjatë ditëve të fundit numri i të infektuarve me COVID-19 ishte thuajse gjatë gjithë kohës nën 100.

Teksa muajt e kaluar numri i të infektuarve qëndroi shumë gjatë mjaftë i lartë.

Për fat të mirë ditëve të fundit, numri i të shëruarve ishte më i lartë se i të infektuarve.

Sot u shëruan 163 persona teksa u konfirmuan si të infektuar 71 të tjerë.

Por numri i përgjithshëm i të prekurve me COVID-19 aktiv tani për tani është 2 mijë e 606 raste gjithësej.

Që nga data 13 mars kur edhe u konfirmuan rastet e para, në vend u shënuan 596 raste të vdekjeve si pasojë e këtij virusi.

Duhet përkujtuar që Kosova vazhdon të përballet me pandeminë COVID-19 dh e se situata vazhdon të jetë mjaftë delikate.

Njoftimi i së dielës nga IKSHPK:

Gjatë 24 orëve të fundit, në Laboratorin e Mikrobiologjisë Molekulare në IKShPK dhe në laboratoret private me metodën RT-PCR, janë testuar gjithsej 612 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 71 raste pozitive. Brenda 24 orëve janë raportuar 7 raste të vdekjes me SARS CoV-2 pozitiv.

Numri total i rasteve pozitive është 14.637 raste nga 57.851 persona të dyshimtë në virusin SARS-CoV-2 dhe 596 raste të vdekjes.

Gjatë 24 orëve të fundit, janë shëruar 163 pacientë derisa numri i përgjithshëm i të shëruarve deri më sot është gjithsej 11.435 raste, kurse numri i rasteve aktive është 2.606.

Rastet pozitive janë nga: komuna Prishtinë 13 raste, komuna Ferizaj 7 raste, komuna Pejë 5 raste, komuna Fushë Kosovë 4 raste, komuna Gjakovë 4 raste, komuna Podujevë 4 raste, komuna Prizren 4 raste, komuna Rahovec 4 raste, komuna Viti 4 raste, komuna Gjilan 3 raste, komuna Skenderaj 3 raste, komuna Vushtrri 3 raste, komuna Dragash 2 raste, komuna Mitrovicë 2 raste dhe me nga një rast komunat Drenas, Hani i Elezit, Kamenicë, Klinë, Lipjan, Malishevë, Mamushë, Shtime dhe Suharekë.

 

Bëje LIKE dhe merr lajmin e fundit nga Ferizaj24:


Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.