Prokuroria e Ferizajt ka kërkuar caktimin e masës së paraburgimit në institucionin e kujdesit shëndetësor ndaj të pandehurës e cila tentoi ta vriste burrin e saj.
Në njoftimin e Prokurorisë thuhet se e pandehura gjatë ditës së djeshme me dashje ka tentuar që ta privojë nga jeta tani të dëmtuarin – bashkëshortin e saj.
“E njëjta e sulmon me një mjet të përshtatshëm për shkaktimin e lëndimit të rëndë trupor- thikë, duke e goditur një herë në pjesën e qafës, ku si pasojë të dëmtuarit i shkaktohen lëndime trupore”, ka thënë Prokuroria.
Ferizaj24 gjatë ditës ka raportuar për të njëjtin rast.
Policia kishte njoftuar se e dyshuara ishte arrestuar dhe ishte dërguar në mbajtje.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.