Këshilli i Evropës ka bërë dhjetëra rekomandime për Qeverinë e Kosovës se si të parandalojë korrupsionin e nivelit qendror. Fokus të madh i ka dhënë mënyrës se si Qeveria e Kosovës i angazhon këshilltarët në kryeministrit e ministri, shkruan sot Koha Ditore.
Dokumenti me rekomandime të Këshillit të Evropës, një kopje të së cilit e posedon “Koha Ditore”, përcakton qartë që Qeveria e Kosovës duhet të vendosë kritere për emërimin e këshilltarëve dhe këtë ta bëjë në mënyrë transparente.
“Për hir të transparencës, të publikohen emrat e ‘këshilltarëve politikë’ dhe të ‘këshilltarëve të jashtëm politikë’, si dhe çdo këshilltari të papaguar në qeverinë qendrore, dhe në lidhje me dy kategoritë e fundit të përfshihen ‘kontratat e performancës së punës ‘…, të vendosen kritere objektive dhe procedura transparente për emërimin dhe funksionet e këshilltarëve politikë dhe stafit mbështetës”, thuhet në rekomandimin e parë të Këshillit të Evropës për Qeverinë e Kosovës.
Këshilli i Evropës ka vënë theksin edhe tek Ligji i ri për parandalimin e konfliktit të interesit.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.