Ministria e Shëndetësisë më 26 nëntor 2021 hapi konkurs për punësimin e përkohshëm të stafit shëndetësor mbështetës për luftimin e pandemisë COVID-19 në qendrat kryesore të mjekësisë familjare në komuna.
Ministria e Shëndetësisë kërkonte angazhimin e 197 mjekëve të përgjithshëm, përderisa nga rezultatet e publikuara kuptohet se në këtë konkurs janë pranuar 120 mjekë të përgjithshëm në 22 komuna në vend.
Sipas rezultatit të publikuar në ueb-faqen e Ministrisë së Shëndetësisë në Qendrën Kryesore të Mjekësisë Familjare në Prishtinë ka më së shumti të pranuar – 20 mjekë të përgjithshëm, pastaj në Prizren janë pranuar 15 të tillë ndërsa 10 mjekë janë pranuar në QKMF në Ferizaj e Gjilan.
Në njoftimin e Ministrisë po ashtu thuhet se kandidatët e pakënaqur me rezultatin mund të bëjnë ankesë brenda afatit prej tre ditësh në komisionin për ankesa në Ministrinë e Shëndetësisë.
Duke klikuar KËTU mund të shihni rezultatet e konkursit.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.