ferizaj24 560x416 - Këto 4 komuna të tjera mund të futen nesër në karantinë


Ministria e Shëndetësisë më 6 nëntor të këtij viti mori vendim për karantinimin e shtatë komunave të Kosovës, nga mbrëmja e asaj dite deri në mëngjesin e së hënës, raporton Gazeta Sinjali.

Komunat në të cilat u ndalua hyrja-dalja e qytetarëve dhe automjeteve private prej orës 20:00 të dt.06/11/2020 deri në orën 05:00 të dt. 09/11/2020, ishin Prishtina, Fushë-Kosova, Gjilani, Obiliqi, Gjakova, Podujeva dhe Shtimja.

Përmes këtij vendimi, Ministria e Shëndetësisë paralajmëroi se kjo masë do të vendoset për çdo komunë tjetër e cila do të hyjë në zonën e kuqe të infeksionit për kokë banori (sipas hartës).

Bazuar në hartën e publikuar sot nga zëdhënësi i kësaj ministrie, Faik Hoti, komunat e tjera të cilat kanë hyrë në këtë zonë janë: Prizreni, Peja, Ferizaj dhe Vushtrria.

Kësisoj, pritet që Ministria e Shëndetësisë të marrë vendim për vendosjen e karantinës edhe ndaj këtyre katër komunave, ashtu siç ishte paralajmëruar në vendimin e 6 nëntorit.

Kujtojmë që për nesër është paralajmëruar mbajtja e takimit mes Qeverisë së Kosovës dhe Asociacionit të Komunave të Kosovës, gjatë të cilit pritet të vendosen masa të reja anti-COVID./sinjali.com/

124357232 10158885920050816 7768581643799777181 n 41 - Këto 4 komuna të tjera mund të futen nesër në karantinë

Bëje LIKE dhe merr lajmin e fundit nga Ferizaj24:


Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.