kida merr fronin ne top liste ndiqet nga butrint imeri - Kida merr fronin në top listë, ndiqet nga Butrint Imeri

Fansat e zjarrtë të Kidës e kanë marrë situatën në dorë dhe nuk e kanë lënë këngëtaren e tyre të preferuar të gjendet në vështirësi. Ndërkohë që “Merri krejt” u cilësua si debutimi më i dobët i Kidës, votat e fansave kanë bërë që Kida të kryesojë klasifikimin e 100 këngëve më të bukura të muzikës moderne shqiptare këtë javë.

Në javën e parë të hyrjes në klasifikim, ky projekt i Kidës renditej në vendin e 78-të, por një javë më vonë, votat e publikut e ngjitën artisten me 76 pozicione, duke e renditur në vendin e dytë dhe këtë javë në fronin e “The Top List”.

[embedded content]

Kjo nuk është hera e parë që Kida ka qenë në krye të listës pasi po të kthehemi pas në kohë, projekti i suksesshëm i saj, “Ti”, ka mbajtur kreun për dy javë rresht si edhe shumë projekte të tjera.

Kjo javë ka ardhur tepër befasuese për projektin e ri të Butrint Imerit. Projekti i tij më i ri muzikor “Kush?” e ka risjellë sërish artistin në qendër të vëmendjes, duke e renditur në zonën e nxehtë të klasifikimit. Falë mbështetjes së publikut, kjo këngë është ngjitur me 41 pozicione nga java e kaluar, duke u renditur në vendin e dytë.

[embedded content]

Sa i përket vendit të tretë, ai i përket bashkëpunimit të Majk dhe Yll Limanit, “Krejt ti fala”, i cili ka humbur dy pozicione nga java e kaluar, duke lënë kështu kreun, të cilin e mbante për dy javë rresht.

[embedded content]

Hyrjet e reja nuk kanë munguar as këtë javë në listën zyrtare të “Top Awards”. Katër projekte të reja i janë bashkangjitur “The Top List” këtë javë, dukë lënë jashtë saj, disa prej këngëve që prej shumë kohësh ishin pjesë e klasifikimit. /TopChannel/

Bëje LIKE dhe merr lajmin e fundit nga Ferizaj24:

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.