w 8 560x360 - Konstituimi i Kuvendit dhe Glauk Konjufca në krye të tij, lajm në mediat botërore

Glauk Konjufca është kryetari i ri i Kuvendit të Kosovës. Për konstituimin e Kuvendit të Kosovës dhe zgjedhjen e Konjufcës në krye të këtij institucioni kanë raportuar edhe mediat e mëdha botërore.

Kanali televiziv ndërkombëtar, Al Jazeera, ka shkruar se Kuvendi i Kosovës e ka zgjedhur Konjufcën kryetar. “Glauk Konjufca u zgjodh Kryetar i Kuvendit të Kosovës”, thuhet në titullin e këtij mediumi, ndërsa në krye të tekstit thuhet se ka shumë mundësi që sot të formohet edhe Qeveria e re.

Al Jazeera 768x600 - Konstituimi i Kuvendit dhe Glauk Konjufca në krye të tij, lajm në mediat botërore

Agjencia amerikane e lajmeve, Associated Press ka reaportuar për zhvillimet më të rëndësishme të ditës në Kosovë, duke e titulluar raportimin kështu: Fillon parlamenti i ri i Kosovës, pritet votimi i qeverisë së re.

AP - Konstituimi i Kuvendit dhe Glauk Konjufca në krye të tij, lajm në mediat botërore

Po kështu ka raportuar edhe gazeta e përditshme amerikane, San Francisco Chronicle.

San 1000x440 - Konstituimi i Kuvendit dhe Glauk Konjufca në krye të tij, lajm në mediat botërore

Edhe një transmetues i shërbimit publik kombëtar austriak ka raportuar për këto ngjarje.

“Ish-ministri i Jashtëm Konjufca, Kryetar i ri i Parlamentit”, thuhet në titullin e “Österreichischer Rundfunk”.

Për konstituimin e Kuvendit të Kosovës ka shkruar edhe Swissinfo.ch, platforma e lajmeve dhe informacioneve në dhjetë gjuhë të botës, e prodhuar nga Korporata Transmetuese Zvicerane.

“Konstituohet Parlamenti i ri i mbizotëruar nga e majta”, thuhet në titullin e këtij mediumi.

Me 69 vota pro, 33 kundër dhe asnjë abstenim, Glauk Konjufca është zgjedhur kryetar i Kuvendit. Në orën 16:00, pritet të mbahet seanca për votimin e Qeverisë së re, që pritet të udhëhiqet nga Albin Kurti, kryetari i Lëvizjes Vetëvendosje.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.