Gjatë ditës së sotme, Kryetari i Komunës së Ferizajt, Agim Aliu ka pritur në takim anëtarët e Bordit të ri të Klubit të Futbollit “Ferizaj” të prirë nga kryetari i saj, Fisnik Bucaliu, me ç’rast u diskutua për organizimin e klubit dhe përgatitjet për superligë si dhe sponsorizimet në klub me qëllim ecjen përpara në gara.
Anëtarët e Bordit të ri të Klubit të Futbollit “Ferizaj” janë:
1. Fisnik Bucaliu – Kryetar;
2. Mustafa Grainca – Anëtar;
3. Sadush Rysha – Anëtar;
4. Naser Hoxha – Anëtar;
5. Blerim Hyseni – Anëtar;
6. Arian Imeri – Anëtar;
7. Fatmir Reshani – Anëtar.
I pari i Ferizajt, Agim Aliu siguroi Bordin e ri të KF “Ferizaj” se do të kenë mbështetjen e plotë të institucionit të Komunës sa i përket financimeve dhe mbështetjes teknike në operacionalizimin e klubit, me qëllim arritjen e sukseseve dhe rikthimin e famës së dikurshme të Klubit të Futbollit “Ferizaj”, e gjitha kjo në funksion të përmbushjes së zotimit të tij për ridimensionimin e sportit ferizajas, gjegjësisht riorganizimin e klubeve sportive.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.