auto thumbnail trimi1601651727 560x416 - Në Ferizaj vazhdon Kampionati i Kosovës

Të dielën, në Ferizaj, vazhdon Kampionati i Kosovës në automobilizëm, ndërsa në radhë është gara e tretë në disiplinën e auto sllallomit, në konkurrencën e femrave dhe të meshkujve.

Gara pritet me interesim të madh duke marrë parasysh konkurrencën për renditje sa më të mirë në plasmanin përfundimtar.

Paraqitja në garë bëhet prej orës 09:00-10:30, për të vazhduar më pas me verifikimin e dokumentacionit dhe kontrollin teknik të veturave.

Pas procedurave tjera të zakonshme, vozitjet testuese fillojnë në orën 12:00, ndërsa 15 minuta pas përfundimit të tyre, fillon gara zyrtare në konkurrencën e femrave.

Auto Klubi Ferizaj në bashkëpunim me Federatën e Auto Sportit të Kosovës (FASK) i kanë marrë të gjitha masat për rrjedhë sa më të mirë të garës.

Policia e Kosovës, Ndihma e Shpejtë (QKMF Ferizaj) dhe Brigada e Zjarrfikësve do të jenë aty për të asistuar në çdo eventualitet.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.