pd 1541957416 32746601 560x347 - Pajisuni me zinxhir e goma, nga 15 nëntori Policia mund t’iu vëjë gjobë

Edhe dy ditë kanë mbetur deri me fillimin e sezonit dimëror në trafik, përkatësisht datës 15 nëntor. E deri në këtë datë të gjithë shoferët e Kosovës duhet të bëjnë përgatitje për veturat e tyre, kjo pasi me Ligj mbi trafikun rrugor përcaktohet edhe mbajtja e pajisjeve dimërore për sezonin dimëror.

Zëdhënësi i Policisë, Daut Hoxha për Indeksonline ka thënë se Policia do të ushtrojë kontrolle për zbatimin e këtij ligji, duke përfshirë rrugët lokale, rajonale e autostrada.

“Policia e Kosovës është e përkushtuar në zbatimin e ligjit të trafikut dhe me njësitet e saj do të ushtrojë kontrolle të vazhdueshme për implementimin e tij në gjithë vendin, duke përfshirë rrugët lokale, rajonale dhe autostrada”, thuhet në përgjigjën e tij.

Policia e Kosovës kërkon nga të gjithë pjesëmarrësit në trafik të parapërgatiten dhe të jenë vigjilent gjatë vozitjes në këtë sezonë dimërore.

“Kërkohet nga të gjithë pjesëmarrësit në trafik në veçanti drejtuesit e automjeteve që të parapërgatiten, të jenë vigjilent gjatë pjesëmarrjes në trafik dhe qarkullimin në rrugë gjithnjë të ia përshtatin kushteve të rrugës, në mënyrë që të garantohet një qarkullim i sigurt për vet drejtuesit si dhe për të gjithë pjesëmarrësit tjerë në trafik”, theksoi Hoxha.

Ai ka shtuar se shpejti do të publikohet një broshurë për njoftimin dhe sensibilizimin e pjesëmarrësve në trafik, si dhe masat e aplikueshme.

Me këtë datë shumica e shteteve evropiane sugjerojnë dhe detyrojnë të gjithë qytetarët e tyre që janë posedues të një automjeti, të ndërrojnë gomat e verës me të dimrit, nëse nuk e kanë bërë me herët këtë proces.

Ashtu si edhe në shtetet Evropiane, edhe Kosova karakterizohet si një vend që ka dimër të ashpër me borë dhe ngrica.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.