Policia e Kosovës e ka gjobitur me 150 euro, një 24-vjeçar që tejkaloi në vijë të plotë në rrugën Ferizaj-Kaçanik.
Rasti tek policia është njoftuar nga qytetarët.
Kështu ky institucion i sigurisë u ka bërë thirrje edhe më tutje qytetarëve që të lajmërojnë personat që bëjnë kundërvajtje në trafik.
Njoftimi i plotë:
Drejtoria Rajonale e Policisë në Ferizaj, ka marr veprimet e duhura policore dhe ka arritur të identifikojë personin, i cili me automjetin e tij të udhëtarëve shkaktoi kundërvajtje në komunikacion, në fshatin Rakaj , rruga magjistrale Ferizaj-Kaçanik.
Policia, e ftoi qytetarin A.M (M/SH/K) 24 vjeçar, në Njësinë Rajonale të Komunikacionit Rrugor në Ferizaj dhe ai në tërësi e pranoi kundërvatjen e shkaktuar dhe mori gjobë, sipas ligjit të komunikacionit rrugor.
Me këtë rast, Drejtoria Rajonale e Policisë në Ferizaj, fton qytetarët që të njoftojnë policinë pa hezitim, për kundërvajtjet e ndryshme, që mund të shkaktohen në komunikacionin rrugor.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.