qytetari 640x3001 560x300 - Qytetari nga Ferizaj gjen çantën me dokumente dhe mijëra dollarë dhe i’a kthen mërgimtarit

Më 17 korrik, në aeroportin “Adem Jashari” mërgimtari Gzim Gjonbalaj kishte humbur çantën e tij, në të cilën ishin dokumentet e tij dhe të motrës së tij Fiona Gjonbalaj.

Esad Gjonbalaj, babai i Gzim dhe Fiona Gjonbalajt, ka treguar për këtë rast.

“Dje, më 17 korrik 2018 pas arritjes në Prishtinë në aeroportin ‘Adem Jashari’, dhe pas kryerjes së kontrollimit të pasaportave, Gzim Gjonbalaj së bashku me motrën Fionen patën paksa një arritje jo edhe aq të këndshme në Kosovë. Të ngazëllyer në emocionet e ribashkimit me familjaret që i pritnin për t’i takuar, ata posa arrijnë në banesë në Prishtinë e kuptojnë se është duke iu munguar çanta personale e krahut, me dy pasaportat amerikane me të gjitha paratë, disa mijëra dollarë, dhe të gjithë dokumentet personale me kredit kartat”, thotë Esad Gjonbalaj.

Ai shton se ata kishin zbritur në Kosovë rreth orës 23:00, dhe me të kuptuar se çanta iu kishte humbur ata kanë lajmëruar organet policore, megjithatë pas disa orësh ishte lajmëruar Ismet Kqiku i cili kishte gjetur çantën të cilën e ka dorëzuar me të gjitha gjërat në të.

Veprimin e Ismet Kqikut nga fshati Dardani i Ferizajit, Gjonbalaj e ka quajtur burrëror e fisnik.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.