Facebook është kthyer përsëri, pas një rënieje prej 8 orësh ditën e djeshme – por problemet me Instagram dhe WhatsApp ende po vazhdojnë për disa përdorues.

Qindra mijëra përdorues anembanë botës nuk mund të hynin në Facebook prej orës 17:00 dje, pas problemeve që rrjeti social filloi të shfaqte.

Facebook, Instagram dhe Messenger ishin të parët që ranë prej sistemit në shtetet më të mëdha të botës, SHBA dhe Europë, bashkë me disa pjesë të Amerikës Jugore.

WhatsApp – që është në pronësi të Facebook – u prek gjithashtu nga ky problem, edhe pse jo aq shumë sa aplikacionet e tjera. Pasi konfirmoi problemet me rrjetin social, Facebook hodhi poshtë spekulimet se faqja mund të ketë qenë sulmuar nga hakerët.

Përdoruesit e rrjeteve sociale iu kthyen Twitterit për t’u ankuar rreth problemit të Facebook, duke gjetur më vonë se jo vetëm Facebook por edhe Instagram kishte rënë.

Më shumë se një e treta e përdoruesve të Facebook nuk mund të hynin fare më në rrjetin social, të tjerët thanë se nuk iu shfaqte asgjë në Faqen e të Rejave. Ngjashëm ndodhi edhe me Messenger në të njëjtën kohë.

Përdoruesit e Instagram raportuan se nuk mund ta rifreskonin faqen e të rejave, të shtonin storje apo foto dhe video. Në Messenger, shumë përdorues nuk ishin në gjendje të lidheshin me serverin fare dhe raportonin se nuk po iu vjen asnjë mesazh

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.