w 58 560x360 - Sërish numër i madh i të shëruarve nga Covid-19

Numri i rasteve të konfirmuara me Covid-19 për 24 orë po vazhdon të jetë në nivel të madh.

Gjatë 24 orëve të fundit janë konfirmuar 253 raste të infektimeve me Covid-19, nga gjithsejt 1586 testeve të bëra.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.586 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 253 raste pozitive”, thuhet në njoftimin e IKShPK-së.

Ndërsa, gjatë këtij 24 orëshi, janë shënuar vetëm dy raste vdekjeve, duke e quar në 1.377 raste të vdekjeve nga Covid-19.

“Brenda 24 orëve janë raportuar 2 raste të vdekjes me SARS CoV-2 pozitiv. Rastet e vdekjes janë nga komunat: Mitrovicë 1 rast (82 vjeç), Prishtinë 1 rast (66 vjeç). Numri total i rasteve pozitive është 53.776 raste nga 197.061 persona të dyshimtë në virusin SARS-CoV-2 dhe 1.377 raste të vdekjes”, theksohet në njoftim.

Edhe në 24 orëshin e fundit janë konfirmuar numër i madh i të shëruarve, duke bërë që të zvogëlohet numri i rasteve aktive me Covid-19.

“Gjatë 24 orëve të fundit, janë shëruar 646 pacientë derisa numri i përgjithshëm i të shëruarve deri më sot është gjithsej 46.259 raste, kurse numri i rasteve aktive është 6.140”, theksohet në njoftim.

Edhe sot, Komuna e Prishtnës prin me numrin e rasteve të konfirmuarame Covid.

“Rastet pozitive janë nga komunat: Prishtinë 93 raste, Podujevë 31 raste, Mitrovicë 23 raste, Vushtrri 16 raste, Fushë-Kosovë 14 raste, Viti 11 raste, Gjilan 10 raste, Ferizaj 8 raste, Lipjan 8 raste, Malishevë 7 raste, Obiliq 6 raste, Suharekë 6 raste, Skenderaj 5 raste, Kaçanik 3 raste, Istog 2 raste, Rahovec 2 raste, Shtime 2 raste dhe me nga 1 rast komunat Deçan, Drenas, Gjakovë, Kamenicë, Prizren dhe Shtërpcë”, përfundon njoftimi.

IKShPK ka kërkuar sërish nga qytetarët që t’i respektojnë masat anti-Covid-, duke mbajtur maskën, distancën dhe higjienën.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.