shakira ka lansuar klipin e kenges nada - Shakira ka lansuar klipin e këngës “Nada”

Një prej yjeve më të mëdha në muzikën latino-amerikane, Shakira, ditë më parë e ka publikuar videoklipin më të ri muzikor.

Kënga mban titullin “Nada” dhe për më pak se 24 orë nga lansimi e ka kaluar shifrën prej dy milionë shikimesh në YouTube.

Videoja muzikore u dha premierë në një emision televiziv në Kolumbi, ndërsa klipi u publikua para performancës së fundit në turneun muzikor, ‘El Dorado’.

[embedded content]

Vlen të theksohet se Shakira e ka shkruar edhe tekstin e këngës dhe ka punuar në realizimin e saj.

Lexo po ashtu:

“Nada” është kënga e pestë me radhë nga albumi aktual i Shakiras, “El Dorado”, që zyrtarisht u publikua më 26 maj të vitit të kaluar.

[embedded content]

Albumi “El Dorado” përmban 13 këngë, ndërsa pjesë e tij janë edhe hitet, si “Chantaje” dhe “Me Enamore”.

“Chantaje” që u realizua në bashkëpunim me Maluman ka kaluar shifrën prej dy miliardë shikimesh në YouTube. /Telegrafi/

[embedded content]