159204960 2849027415414046 4073395332734066686 o 852x4601 1 560x416 - Spitali i Ferizajt do të pajiset me CT

Spitali i Përgjithshëm i Ferizajt do të  pajiset për herë të parë me Tomografi të Kompjuterizuar (CT), shkruan Gazeta Infokus.

Kjo është  bërë  e ditur nga ShSKUK pas një  vizite  në  spitalin e kësaj komune.

“Bordi Drejtues i Shërbimit Spitalor Klinik dhe Universitar të Kosovës dhe drejtori i përgjithshëm, dr. Valbon Krasniqi vizituan Spitalin e Përgjithshëm të Ferizajt.Gjatë vizitës i prezantuan investimet që do të bëhen nga ShSKUK në këtë Spital, ku parashihet të pajiset për herë të parë me Tomografi të Kompjuterizuar (CT).Përmes këtyre pajisjeve do të lehtësohet trajtimi i pacientëve dhe puna e stafit mjekësor”, thuhet në  njoftim.

Gjithashtu Bordi Drejtues i Shërbimit Spitalor Klinik dhe Universitar të Kosovës dhe drejtori i përgjithshëm,  Valbon Krasniqi, ofruan përkrahje të mëtejme, qoftë përmes investimeve kapitale, furnizimit me barna dhe material shpenzues, por edhe me paisjet e nevojshme mjekësore.