Pas reshjeve të vazhdueshme të shiut dhe borës në vendin tonë, janë shtuar mundësitë e bllokimit të qarkullimit nëpër rrugë.
Për këtë arsye, Komuna e Ferizajt ka njoftuar se ekipet emergjente të kësaj komune kanë dalë në terren dhe po merren me pastrimit e rrugëve.
“Me intensifikimin e reshjeve të borës, ekipet emergjente të Komunës së Ferizajt, janë në terren vazhdueshëm, bashkë me operatorët ekonomik për të bërë pastrimin e vazhdueshëm të rrugëve nga bora si në qytet ashtu edhe në fshatra. Aktualisht, të gjitha rrugët në territorin e Ferizajt, janë të kalueshme”, thuhet në njoftim.
Komuna e Ferizajt, përmes një postimi në “Facebook”, u ka bërë thirrje ngasësve të automjeteve që të shtojnë kujdesin në qarkullimin rrugor, “në të gjitha akset rrugore, duke pasur parasysh reshjet e vazhdueshme të borës dhe të shiut në territorin tonë”.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.