w 9 560x375 - Xhavit Haliti: E votova Konjufcën për pikë t’qefit, s’kemi pse bëjmë filma

Deputeti i Partisë Demokratike të Kosovës, Xhavit Haliti, ka thënë për Gazetën Express se “për pikë të qefit” e ka votuar Glauk Konjufcën për kryeparlamentar.

Haliti tha se Konjufcën e ka votuar populli dhe se s’ka nevojë të bëhen filma.

“Për pikë të qefit. Atë e ka votuar populli. S’kemi pse me bë filma”, tha Haliti për Express.

Me 69 vota pro, 33 kundër dhe asnjë abstenim, Glauk Konjufca është zgjedhur kryetar i Kuvendit.

Deputetët tjerë të partive opozitare votuan kundër propozimit të Lëvizjes Vetëvendosjes, përveç Xhavit Halitit nga Partia Demokratike e Kosovës.