w 12 560x360 - 25 vjet i zhdukur Remzi Hoxha, djali i tij rrëfen sesi iu rrëmbye babai në Shqipëri


Ardian Hoxha, djali i Remzi Hoxhës, i zhdukur para 25 vitesh në Shqipëri, ka rrëfyer historinë e babait në emisionin “Frontal”dhe vendimin për t’i dhënë fund kërkimit për të.

Ardian Hoxha tha se babai i tij atë kohë ishte prej atyre që nuk pajtoheshin me gjendjen dhe padrejtësitë që iu bëheshin shqiptarëve të Kosovës.Ai ishte angazhuar për çlirimin e Kosovës, teksa e shkëput një thënie të babait të tij “misioni im është që këmba e paramilitarit serb të mos shkelë në Kosovë”.

Tutje, Hoxha thekson se babai i tij i kishte financuar dy kamionët e parë me armatim që ishin futur në Kosovë.

Më pas nga presioni familja ishte shpërngulur nga Ferizaj në Shkup dhe më pas në Shqipëri, ku edhe ishte rrëmbyer babai i tij, Remzi Hoxha.

“Nëntë persona e marrin nga vendi i punës, paraqiten me dokumente false që janë të Ministrisë së Financave dhe i thojnë punëtorëvë që po e marrim për verifikim personin dhe mund ta mbajmë nga 24 deri në 48 orë, punmëtorët e paraqesin rastin në polici”, rrëfen ai.

“Ne si familje kemi bërë përpjekje për ta gjetur të vërtetën për rastin e babait për kidnapimin e tij nga tetori i 1995-ës, e denim kush ishin personat, mirëpo shteti i Shqipërisë mundohej ta fshihte si krim. Ishin ato kohëra kur Avokati i Popullit e pati ngrit si cështje zhdukjen e babait dhe u kapën, në ato vite qëndruan në burg 7-8 muaj dhe në atë kohë Sali Berisha që ishte në atë kohë president i amnestoi”, tha Hoxha në Frontal, transmeton Gazeta Express.

Bëje LIKE dhe merr lajmin e fundit nga Ferizaj24:


Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.