Rreziku i lëndimit të këmbës, shtypjes apo goditjes së drejtpërdrejt me brinjë nga demat, nuk i ka trembur për asnjë moment këta ekspertë të arteve marciale të cilët praktikojnë mundjen me dema në Kinë, një sport tradicional që praktikohet tash e qindra vite.

Ky sport unik praktikohet nga komuniteti mysliman Hui në Kinë, ku mjeshtrit e Kung Fusë argëtojnë turistët duke bërë mundje me dema, transmeton Telegrafi.

Kur 21-vjeçari Li Zhen u fut në “koloseum” para një demi, sigurisht se kishte emocione jo nga frika por e brengoste fakti që nuk do të arrijë të argëtojnë masën.

“Isha shumë i frikësuar. Para se gjithash është një dem”, ka shtuar Li.

Por ushtrimet e vazhdueshme kanë bërë që me kalimin e kohës të humb frikën, dhe sot është njëri nga anëtarët e grupit Wushu apo Kung Fu, që ushtron mundjen me dema në qytetin Jiaxing në provincën Zheijang.

Megjithatë, kjo praktikë është duke u kritikuar mjaft nga shumë banorët kinezë, të cilët besojnë se me këtë veprim janë duke u keqtrajtuar kafshët. /Telegrafi/