Këngëtarja shqiptare, Bebe Rexha, së fundmi ishte e pranishme në “LOS40 Music Awards”, i cili u mbajt në Madrid të Spanjës.

Në të njëjtin event ishte e pranishme edhe këngëtarja tjetër e famshme, Dua Lipa, dhe që të dyja nesër (e diel), do të jenë po prapë bashkë në një event, siç është ai i MTV EMA.

Bebe Rexha është shumë aktive dhe e ndjekur nga fansat në rrjetin social Instagram, në të cilin numëron mbi gjashtë milionë ndjekës.

Bebe Rexha (Foto: Frazer Harrison/Getty Images/Guliver)

Shpesh, ajo publikon për fansat fotografi ose video të ndryshme nga jeta e saj e përditshme, teksa nuk mungojnë edhe imazhet provokuese.

Së fundmi, ajo publikoi për fansat e saj një ‘selfie’ mjaft atraktiv, ku shfaqej duke pozuar me këmbët e hapura para pasqyrës.

Pëlqimet dhe komentet e shumta për të nuk munguan, shumë prej të cilëve e komplimentuan për linjat trupore.

E veshur në ngjyrat bardhë e zi dhe me flokët e prera shkurt, ajo vërtetoi edhe njëherë se vazhdon të jetë gjithnjë në hap me trendet e modës. /Telegrafi/

Bebe Rexha (Foto: Juan Naharro Gimenez/Getty Images/Guliver)