Produktiviteti nuk është vetëm me punu shumë. Është me punu me mend, me fokus dhe me drejtim të qartë. Shumë njerëz ndihen të lodhur në fund të ditës, por pa rezultate konkrete. Arsyeja kryesore nuk është mungesa e kohës, por mungesa e organizimit dhe prioriteteve.
Hapi i parë është me pasë një plan të qartë për ditën. Kur zgjohesh pa plan, dita të shkon në gjëra të vogla dhe shpërqendrime. Nëse e di saktë çfarë duhet me bo, e ke shumë më lehtë me e menaxhu kohën. Mjafton një listë e thjeshtë me 3 deri në 5 detyrat kryesore të ditës.
Hapi i dytë është me i vendosë prioritetet. Jo çdo detyrë ka të njëjtën rëndësi. Duhet me u fokusua te ato gjëra që sjellin rezultat real, jo vetëm te ato që duken urgjente. Pyete veten: cila është ajo punë që nëse e përfundoj sot, ma përmirëson ditën ose biznesin?
Hapi i tretë është me punu në blloqe kohe pa ndërprerje. Telefoni, rrjetet sociale dhe njoftimet janë armiku më i madh i fokusit. Vendos një periudhë 45 deri në 60 minuta ku punon vetëm në një detyrë, pa asnjë shpërqendrim. Pastaj bëj një pushim të shkurtër dhe vazhdo.
Hapi i katërt është me e fillu ditën me punën më të vështirë. Në mëngjes energjia është më e lartë dhe mendja është më e kthjellët. Nëse e kryen detyrën më të rëndë në fillim, pjesa tjetër e ditës bëhet shumë më e lehtë.
Hapi i pestë është me pasë një rutinë të mirë. Kur trupi dhe mendja janë mësuar me një ritëm të caktuar, gjithçka bëhet më e lehtë. Një orar i rregullt i gjumit, ushqimi i mirë dhe pak aktivitet fizik ndikojnë direkt në nivelin e energjisë.
Hapi i gjashtë është me e reduktu shpërqendrimin. Nëse çdo 5 minuta e kontrollon telefonin, truri nuk arrin kurrë me hy në fokus të thellë. Vendose telefonin në silent ose larg tavolinës gjatë punës.
Hapi i shtatë është me e mbyll ditën me një vlerësim të shkurtër. Shiko çfarë ke arritur, çfarë mund të përmirësosh dhe planifiko ditën tjetër. Kjo të jep qartësi dhe të ndihmon me fillu më mirë nesër.
Produktiviteti nuk është me u lodh më shumë, por me u organizu më mirë. Me disa zakone të vogla dhe të qëndrueshme, çdo ditë mund të bëhet më efektive dhe më e dobishme.