Një aksident i rëndë me fatalitet ka ndodhur në magjistralen Kaçanik-Ferizaj, ku tre persona kanë humbur jetën, ndërsa një person po trajtohet në QKUK në gjendje të rëndë.
Rasti ka ndodhur kur ngasësi i veturës Opel Astra, duke mos e përshtatur shpejtësinë e lëvizjes kushteve të rrugës ,humb kontrollin mbi automjetin duke dal nga rruga dhe duke u përplasur në disa grumbuj dheu dhe gurësh skaj rruge dhe duke u rrokullisur me automjetin, me ç’rast vozitësi dhe tre pasagjerët, sipas mjekëve, kishin pësuar lëndime të rënda e si pasojë, ngasësi i automjetit ka ndërruar jetë në vendin e ngjarjes, kurse tre pasagjerët janë dërguar në QKUK Prishtinë, ku pas një kohe Policia është informuar se dy nga të lënduarit kanë ndërruar jetë, ndërsa pasagjeri i tretë është në mjekim intenziv, thuhet në detajet e dhënë nga policia,
Ndërsa, në një video të publikuar në rrjetet sociale shihet se si është dëmtuar vetura me të cilën udhëtonin 4 personat.
