Në spitalin e Ferizajt ka arritur laboratori i ri dhe janë rinovuar hapësirat për emergjencën pediatrike dhe repartin e Pediatrisë.
Drejtori i Përgjithshëm i Shërbimit Spitalor dhe Klinik Universitar, Basri Sejdiu, ka vizituar këto hapësira të rinovuara duke thënë se investimet e tilla kanë qenë të nevojshme për Spitalin e Ferizajt, njofton Klan Kosova.
Sejdiu njoftoi se shumica e punëve janë kryer me donacione, por një pjesë edhe nga buxheti i Spitalit.
Ai po ashtu ka shprehur përkrahjen e SHSKUK-së për Spitalin e Ferizajt përfshirë ndërtimin e objektit të ri, pajisjen me aparaturë të re dhe punëtorë të rinj.
