Reperi i njohur shqiptar, i cili jeton dhe vepron New York, Action Bronson, ka publikuar së fundmi albumin e tij më të ri.
“White Bronco”, titullohet ky album i cili përmban gjithsej nëntë këngë.
Një nga këngët e albumit, e titulluar “Brutal”, e cila vjen në bashkëpunim me Meyhem Lauren, është këngë në sfondin e së cilës dëgjohen tinguj të një kënge të kënduar me çifteli dhe të shtëna armësh.
[embedded content]
Ai e nisi karrierën si kuzhinier me emisionin e tij të famshëm “Action in the Kitchen”, i cili transmetohej online.
Më pas, ai vazhdoi rrugëtimin e tij si reper, teksa një vit më parë nënshkroi kontratë me kompaninë e njohur “Goliath Artists”.
Action Bronson këtë vit vizitoi për herë të parë Kosovën, në javën kur u organizua festivali “Sunny Hill”.
I njëjti ka treguar se është krenar për prejardhjen e tij, dhe këtë e ka vërtetuar edhe me këngët dhe emisionet e tij, ku shpesh ka promovuar gatimet tradicionale. /Telegrafi/
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.