Loading...

Në vigjilje të edicionit të 48-të të Festivalit të Teatrove që mbahet në qytetin tonë, i pari i Komunës së Ferizajt, Agim Aliu, në mesditë priti në zyrën e tij një delegacion të trupës franceze të kryesuar nga aktori franko-shqiptar i kalibrit botëror, Rexhep Mitrovica.

VIDEO

Këta të fundit, bashkë edhe me aktorin tjetër të përmasave botërore, Arben Bajraktaraj do të vënë në skenë shfaqjen “Le Pont”, dramatizim i veprës “Ura me tri harqe” nga Ismail Kadare. Kjo shfaqje mysafire, ngre siparin e edicionit të 48-të të Festivalit të Teatrove që mbahet në Ferizaj.

I pari i Ferizajt, Agim Aliu i paraqiti aktorit Mitrovica dhe mysafirëve tjerë një historik të shkurtër të qytetin tonë, veprimarisë teatrore në Ferizaj që daton nga viti 1943 si dhe shprehu kënaqësinë e nderin e veçantë që qyteti të cilin drejton të ketë mysafirë të tillë të përmasave botërore siç janë aktori Rexhep Mitrovica dhe Arben Bajraktaraj.

Në anën tjetër, edhe aktori i mirënjohur franko-shqiptar, Rexhep Mitrovica falënderoi të parin e qytetit, Agim Aliu për pritjen duke u shprehur se është gjithmonë kënaqësi të jetë i ftuar dhe të jetë në mesin e artistëve. Lidhur me shfaqjen, ai u shpreh se beson se publiku do të jetë i kënaqur me atë çfarë do t’i ofrohet në natën e parë të këtij festivali.

Në fund të këtij takimi ku të pranishëm ishin edhe drejtorja e Kulturës, Rinisë dhe Sportit, Xhemile Murati Shabani, drejtori i Teatrit “Adriana”, Fatmir Hyseni si dhe anëtarët e Këshillit Drejtues të Teatrit “Adriana”, Nexhat Xhokli dhe Besim Ugzmajli u shpërndanë dhurata, suvenire këto me motive nga qyteti ynë.

Agjenda e aktorit Mitrovica vijoi edhe me një konferencë për media në Teatrin “Adriana” ku para gazetarëve ai shpalosi ndjesitë e tij për qytetin dhe veprimtarinë teatrore këtu. Në këtë konferencë u dhanë informacione detale edhe për shfaqjen “Le Pont” nga regjisori Simon Pitaqaj. Poashtu, drejtori i Festivalit, Fatmir Hyseni dhe drejtori artistik i Festivalit, Besim Ugzmajli prezantuan para publikut programin si dhe detajet tjera të organizimit. E veçanta e këtij edicioni të Festivalit të Teatrove është përveç pjesëmarrja e aktorëve të lartpërmendur, edhe dominimi i dramës shqipe në shfaqjet e netëve të Festivalit.

Juria në këtë edicion të Festivalit përbëhet nga Fadil Hysaj, Blerta Rrustemi Neziraj dhe Nexhat Xhokli. Festivali i Teatrove fillon më 21 tetor dhe zgjat deri më 28 tetor. Teatri “Adriana” ka filluar shitjen e biletave me një çmim simbolik prej 1 euro, për të gjitha netët sa do të zgjas festivali.

44461888 2000954103283748 5948846402963505152 n.jpg? nc cat=111& nc ht=scontent.fbeg4 1 - Agim Aliu priti aktorin franko-shqiptar me famë botërore, Rexhep Mitrovica44293492 2000954193283739 3128284943810035712 n.jpg? nc cat=101& nc ht=scontent.fbeg4 1 - Agim Aliu priti aktorin franko-shqiptar me famë botërore, Rexhep Mitrovica44279947 2000954236617068 7296271677732683776 n.jpg? nc cat=107& nc ht=scontent.fbeg4 1 - Agim Aliu priti aktorin franko-shqiptar me famë botërore, Rexhep Mitrovica44389137 2000954453283713 6826111795501989888 n.jpg? nc cat=106& nc ht=scontent.fbeg4 1 - Agim Aliu priti aktorin franko-shqiptar me famë botërore, Rexhep Mitrovica44364905 2000954696617022 2388578338626076672 n.jpg? nc cat=111& nc ht=scontent.fbeg4 1 - Agim Aliu priti aktorin franko-shqiptar me famë botërore, Rexhep Mitrovica

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.