Kryetari i Komunës së Ferizajt, Agim Aliu ka pritur sot në takim një grup të fëmijëve me Sindromën Down dhe përfaqësuesit e Qendrës së Kujdesit Ditor “Pema” në Ferizaj.
Në këtë takim, drejtuesit e QKD “Pema”, u shprehën të gatshëm të ndihmojnë qeverisjen lokale në trajtimin e problematikave të këtij komuniteti në nivel lokal si dhe zbatimin e projekteve në dobi të rritjes së kujdesit social për këtë komunitet.
Në anën tjetër, kryetari i Ferizajt, Agim Aliu i falënderoi për vizitën e sotme dhe i siguroi mbështetjen e ekzekutivit komunal për projektet e kësaj organizatë dhe kërkesat e prindërve të fëmijëve me Sindromën Down.
Aliu shprehu vendosmërinë e ekzekutivit komunal për promovimin e kujdesit social dhe rritjen e bashkëpunimit me organizatat e shoqërisë civile, përkatësisht organizatat e tilla komunitare.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.