Loading...

Prokuroria Themelore në Ferizaj, Departamenti i Krimeve të Rënda, ka ngritur aktakuzë kundër të pandehurit S.G për shkak të veprës penale “blerja, posedimi, shpërndarja dhe shitja e pa autorizuar e narkotikëve, substancave psikotrope dhe analoge si dhe ndaj K.S për veprën penale “Fajde” dhe “Shtytje në vetëvrasje dhe ndihma në vetëvrasje.

VIDEO

Sipas njoftimit për media, gjatë një kontrolli nga ana e Policisë së Kosovës, Njësiti për Hetime i Trafikimit me Narkotik në Gjilan, në bashkëpunim me njësinë në Ferizaj dhe Prokurorinë Themelore të Ferizajt kanë gjetur substancë narkotike të llojit marihuanë në peshë prej 30.137 gramë, të cilën e kishte poseduar në mënyrë të paautorizuar me qëllim shitje.

“Gjithashtu, në këtë rast, prokurori i shtetit ka kërkuar edhe sekuestrimin e pasurisë së pandehurit, veturën ‘Peugeot’ e cila është përdorur për transportimin e lëndës narkotike si dhe një telefon celular ‘Iphone 8+’.  Prokuroria Themelore në Ferizaj, njofton se i pandehuri gjendet në paraburgim dhe është kërkuar që atij të i vazhdohet paraburgimi, dhe njëkohësisht, prokurori i rastit i ka propozuar Gjykatës Themelore në Ferizaj, që të pandehurin ta shpall fajtor për këtë vepër penale”, thuhet një njoftim.

Po ashtu Prokuroria Themelore në Ferizaj, ka ngritur aktakuzë edhe kundër të pandehurit K.S për shkak të kryerjes së veprës penale “Fajde” si dhe veprës penale “Shtytje në vetëvrasje dhe ndihma në vetëvrasje.

Ndërkaq, Prokuroria Themelore në Ferizaj, i ka propozuar Gjykatës, që pas shqyrtimit të provave, të pandehurin ta shpallë fajtor për veprën penale që i vihet në barrë. /Telegrafi/

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.