auto aliu15634870581 560x416 - Aliu: Kontrata kolektive padrejtësia më e madhe që u është bërë komunave

Kryetari i Komunës së Ferizajt, Agim Aliu, ka kërkuar nga ministri i Pushtetit Lokal, Ebert Krasniqi që të qartësohet përgjegjësia buxhetore e kontratës kolektive, duke shtuar se kjo kontratë është padrejtësia më e madhe që u është bërë komunave, transmeton Gazeta Sinjali.

“Me ministrin diskutuam edhe për kontratën kolektive dhe të merret përgjegjësia e qartë buxhetore mbi pengesat e zhvillimit të projekteve si pasojë e kësaj Kontrate Kolektive”, tha ai në konferencën për medie pas takimit me ministrin.

Aliu përmendi edhe temat tjera me të cilat biseduan ku si sfidë përmendi pandeminë, por edhe çështjen e pronave e cila tha se po i pengon në realizmin e investimeve.

“Sfida kryesore e kryetarëve të komunave ka qenë stabilitetit jo qeverisës, pasi për një mandat ne kemi ndërruar katër qeveri, po ashtu sfidë ka qenë edhe pandemia .Janë edhe çështjet tjerat që kanë të bëjnë me pronat dhe morë zotimin e ministrin që këto problematike të adresohen”, tha Aliu.