176729553 443587103610602 6676747243055871036 n1 560x416 - Vendosja e grafiteve në shtëpinë e deputetes Grainca, Aliu: Akt i papranueshëm

Kryetari i Komunës së Ferizajt, Agim Aliu, e ka cilësuar akt të papranueshëm,vendosjen e grafiteve pranë shtëpisë së deputetes, Adelina Grainca, me shkrime “Bijat i shesim,votat i qesim”, e cila është zgjedhur deputete si kandidate nga PDK-ja, por që ka kaluar në Vetëvendosje, raporton Ekonomia Online.

Aliu nuk ka komentuar akuzat që janë bërë se këtë gjë mund ta kenë bërë simpatizantë të PDK-së, por ka thënë se për të ky veprim është i papranueshëm.

“Nuk kam pasur rastin me përcjell, sigurisht edhe për shkak të angazhimeve dhe punës. Por çdo akt që është cenim për diçka është i cenueshëm dhe i papranueshëm, dhe për mua është i papranueshëm një akt i tillë”, tha ai.

Në muret e shtëpisë së deputetes Adelina Grainca, gjatë mbrëmjes të së martës janë vendosur grafite me mbi shkrime “Bijat i shesim,votat i qesim”.

Ky veprim ka ngjallur reagime të mëdha, ndërsa që Policia e Kosovës ka njoftuar që ka nisur hetimet.

Adelina Grainca kishte braktisur PDK-në për të kaluar në Vetëvendosje në ditën e zgjedhjes së Vjosa Osmanit presidente.

176729553 443587103610602 6676747243055871036 n1 1 - Vendosja e grafiteve në shtëpinë e deputetes Grainca, Aliu: Akt i papranueshëm

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.