w 78 560x416 - Falsifikuan para - një muaj arrest shtëpiak për dy të pandehur në Ferizaj

Gjykata Themelore në Ferizaj, Departamenti për Krime të Rënda, ka refuzuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurve A.L dhe Sh.B., shtetas të Kosovës, për shkak të dyshimit se kanë kryer veprën penale falsifikimi i parasë dhe të njëjtëve u është caktuar masa e arrestit shtëpiak.

Gjyqtari i procedurës paraprake të Departamentit për Krime të Rënda – Ibrahim Idrizi, kërkesën e Prokurorit të Shtetit për caktimin e masës së paraburgimit kundër të pandehurve, e ka refuzuar si të pabazuar, ndërsa të njëjtëve u është caktuar masa e arrestit shtëpiak në kohëzgjatje me nga një muaj.

Ekziston dyshimi i bazuar se të pandehurit kanë kryer veprën penale për të cilën dyshohet nga ana e Prokurorisë së Shtetit, dhe se edhe me masën e arrestit shtëpiak në këtë fazë të procedurës mund të arrihet qëllimi që të sigurohet prania e të pandehurve në procedurë, duke eliminuar mundësinë e përsëritjes së veprës penale, sepse dyshimi është se të pandehurit kanë transportuar paratë e falsifikuara nga territori i Maqedonisë së Veriut në Kosovë, thuhet në komunikatë.

Mundësia për të përsëritur veprën penale është minimale edhe për faktin e gjendjes shëndetësore të të pandehurit. Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.