45631622 2245535805692934 4091299826564595712 n 528x3961 - “Feniks” ndërton shtëpinë e 232-të, ndihmojnë mërgimtarët

Pra, 232 familje janë bërë me shtëpi nga kjo shoqatë, ku sigurisht një ndihmë të madhe kanë dhënë edhe bashkatdhetarët

Shoqata humanitare “Feniks” ka dorëzuar çelësat e shtëpisë së re për familjen dhjetë anëtarëshe Loku në Ferizaj.

Familje e cila që nga pas lufta deri më sot jetoi nëpër shtëpi të huaja nga njëra shtëpi në shtëpinë tjetër duke paguar qiranë me një social, njofton shoqata në rrjetet sociale.

Po falë donatorëve edhe kjo familje u bë me shtëpi të re. Zejnë Haliti fqinji i tyre bleu një parcelë tokë 3,5 ari në vlerë 3500 euro në fshatin Rakaj të Ferizajt.

45881410 2245536209026227 200333264848683008 n 528x3961 - “Feniks” ndërton shtëpinë e 232-të, ndihmojnë mërgimtarët

Si çdoherë ndihma e bashkatdhetarëve nuk mungoi edhe kësaj here. Fadil Jashari nga Gjermania me shokë ndanë mjete financiare, Tahir Jashari me shokë të cilët punojnë në aeroportin e Cyrihut në Zvicër mjete financiare dhe si çdo herë i përkushtuar në çështjen humanitare anëtari i shoqatës feniks Rexhep Rifati, së bashku me familje në Zvicër grumbulluan mjete financiare për familjen Loku.

Kryefamiljari Bashkim Loku falënderon të gjithë bashkatdhetarët kudo që janë, shoqatën “Feniks” dhe të gjithë ata donatorë të cilët kanë ndihmuar që sot së bashku me familje të kenë një shtëpi të re.

“Feniks” falënderon bashkatdhetarët kudo që janë, e në veçanti ata të cilët e ndihmuan familjen Loku.

Kjo ishte shtëpia e 232 me radhë e ndërtuar nga Shoqata “Feniks” nga Ferizaj. Pra, 232 familje janë bërë me shtëpi nga kjo shoqatë, ku sigurisht një ndihmë të madhe kanë dhënë edhe bashkatdhetarët.

45911341 2245536345692880 1245203163338768384 n 587x3301 - “Feniks” ndërton shtëpinë e 232-të, ndihmojnë mërgimtarët

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.