3ferizaj1 1 660x3301 560x330 - Ferizaj me 1979 shkollarë në klasën e parë, Kryetari Aliu konfirmon nisjen e dy shkollave këtë muaj gjatë vizitës në SHFMU “Jeronim de Rada”

Gjatë ditës së hënë, i pari i Ferizajt, Agim Aliu dhe drejtori i Drejtorisë së Arsimit, Afrim Llabjani kanë vizituar shkollën fillore e mesme e ulët “Jeronim de Rada” në Ferizaj me ç‘rast drejtuesit e këtij institucioni arsimor, mësimdhënësit, nxënësit dhe prindërit Kryetari Aliu, i uroi suksese e mbarësi.

Në vizitën e disa klasave dhe kabineteve të shkencave ekzakte, i pari i Ferizajt, Agim Aliu vlerësoi rregullsinë, nivelin e pastërtisë, investimet e kryera në këtë godinë si dhe kushtet për zhvillimin e mësimit. “Jemi në këto ambiente të bukura të shkollës “Jeronim de Rada, ku kemi bërë një vizitë së bashku me drejtorin e arsimit, Afrim Llabjani dhe të falënderoj edhe drejtoreshën e shkollës zonjën Servete Hajrullahu për një punë të mrekullueshme që ka bërë edhe viteve të kaluara dhe që si rezultat i asaj pune sot kemi një ambient të mrekullueshëm këtu dhe mbi të gjitha edhe një presion pozitiv të shtuar të prindërve tanë në mënyrë që të vijnë sa më shumë nxënës në këtë shkollë dhe këto ambiente.
Pasi që sot është dita e parë e këtij fillimviti të ri shkollor 2018/2019, le të më lejohet që nxënësit që për herë të parë janë në bankat shkollore që ata janë 1979, të uroj secilin veç e veç për këtë ditë të fillimit të një procesi, të një faze krejtësisht të re në jetën e tyre. Nga sot, jeta e tyre është jetë me sfida të reja, me angazhime të reja, por njëkohësisht edhe me përgjegjësi të reja.

Ne do të angazhohemi që këtyre 1979 nxënësve sa më shumë t’iu lehtësojmë këtë proces dhe këtë rrugëtim të tyre jetësor, por le të më lejohet të uroj jo vetëm 1979 nxënësit, por të uroj edhe prindërit e tyre, të uroj edhe të gjithë nxënësit e të gjitha niveleve të shkollave që janë në administrimin e komunës për një vit të mbarë dhe për një vit të suksesshëm. Le t’i përcjell shëndeti dhe suksesi e mbarësia gjatë gjithë këtij viti shkollor, ndërsa detyra, përgjegjësitë dhe angazhimet tona do të jenë që ne të kemi një proces të lehtësuar dhe një mbarëvajtje të lehtësuar në të gjitha ambientet shkollore.
Sigurisht se edhe ne si institucione kemi sfida dhe kemi filluar këtë vit me sfida. Kaluan dy dekada dhe ne ende nuk e kemi të përfunduar gjithë ciklin e investimeve të infrastrukturës themelore. Shpesh në Kosovë flitet për mësimin tërë ditor por ne ende ballafaqohemi, në mënyrë të veçantë në Ferizaj me problemet ku nuk ka ambiente solide, nuk ka ambiente të bollshme që sot nxënësit të ndihen rehat dhe komod por angazhimi ynë do të jetë që kjo gjendje përfundimisht të ndryshoj sado që nuk do të jetë e lehtë, sado që edhe në kuptimin kohor do të ketë një kohëzgjatje sepse nuk janë çështje që mund të përfundohen kaq shpejt por ajo që do të jetë qëndrueshmëri e jona është që këto probleme të zgjidhen përfundimisht. Ju e dini, ne jemi në një ambient ku dikur është mësuar me katër ndërrime në këtë shkollë, por ja që sot po krenohemi me një shkollë çfarë kemi sot.
Sigurisht që gjendja do të ndryshoj edhe në ato ambiente shkollore ku sot nxënësit fillojnë orët e tyre me kufizime apo me ambientet që nuk janë të përshtatshme për të filluar një vit shkollor. Por me nisjen e dy shkollave të reja që ne do të bëjmë, besoj gjatë këtij muaji, sigurisht që do të lehtësohet ky proces dhe pastaj mund të flasim për mësimin tërë ditor i cili sot më shumë është një ambicie sesa diçka që mund të realizohet në planin afatshkurtër. Le të më lejohet edhe njëherë të gjithë mësimdhënësit, të gjithë nxënësit, të gjithë prindërit, në mënyrë të veçantë 1979 t’i uroj për një fillim të mbarë dhe të suksesshëm” tha Kryetari i Ferizajt, Agim Aliu.
Edhe drejtorja e shkollës fillore mesme e ulët “Jeronim de Rada” duke falënderuar Kryetarin e Komunës dhe drejtorin e arsimit për vizitën në institucionin që drejton, tha se janë bërë të gjitha përgatitjet si teknike ashtu edhe pedagogjike për një vit të mbarë shkollor dhe se interesimi i prindërve për të sjell fëmijët e tyre në këtë shkollë është jashtëzakonisht i madh. “Ne jemi munduar si shkollë të gjitha përgatitjet i kemi përfunduar si teknike, pedagogjike, të gjitha. Është e vërtet që numri shumë i madh është nëpër klasë tona sidomos në klasat e gjashta dhe të para. Interesimi i prindërve për t’i sjell fëmijët e tyre këtu është jashtëzakonisht i madh.
Nga qershori deri më tani kemi kthyer mbi 300 prindër. Kemi pranuar ata fëmijë që prindërit kanë sjell certifikatat e vendbanimit, një dëshmi që ka qenë banues këtu afër shkollës sonë, përndryshe nuk kemi pasur mundësi por edhe ashtu është numri shumë i madh” tha drejtorja Hajrullahu

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.