Dje (e martë) një bombolë gazi ka shpërthyer në një qendër tregtare në Ferizaj, e cila shkaktoi lëndimin e mbi 40 personave, shkruan lajmi.net.
Në mesin e të lënduarve, disa janë në gjendje më të rëndë shëndetësore, e ka prej tyre që do të dërgohen në Turqi për trajtim të mëtutjeshëm,
Ngjarja e djeshme ka shkaktuar reagime të shumta, teksa edhe emrat e njohur janë solidarizuar me të lënduarit.
Këngëtari Genc Prelvukaj, me anë të një postimi në Facebook, thotë se dikush duhet të dalë para drejtësisë, ndërsa uron që të lënduarit të shërohen më shpejt.
“Mbi dyzet njerëz janë plagosur në Ferizaj nga shpërthimi i një mase gazi. Duhet të nxirret dikush para drejtësisë, psh inspektorët që lejuan punën në kushte të tilla, apo duhet të vdesin njerëzit që dikush ti nënshtrohet ndëshkimit ?
Shtetndërtimi punë e vështirë. Gjithsesi ju uroj shërim të shpejtë të lënduarve”, shkruan ai.
Bëje LIKE dhe merr lajmin e fundit nga Ferizaj24: