w 11 560x416 - Gjashtë pacientë në gjendje të rëndë nga shpërthimi në Ferizaj, në QKUK thonë se u duhet trajtim jashtë vendit

Në Qendrën Klinike Universitare të Kosovës (QKUK), janë trajtuar katërmbëdhjetë persona të kënduar nga shpërthimi një bombole gazi në Ferizaj gjatë së martës, raporton Ekonomia Online.

Gjashtë prej tyre janë në gjendje të rëndë ka konfirmuar për EO, anesteziologu, Shaqir Uka.

Ai ka sqaruar se ata janë duke u trajtuar në mjekimin intensiv qendror dhe kanë shkallë të djegies nga 35% deri në 50%, kurse mosha e tyre sillet nga 25 deri në 45 vjeç.

“Disa prej pacienteve më saktësisht 14 prej tyre janë trajtuar në Klinikën Emergjente. Gjashtë prej tyre, më saktësisht pesë të cilët kanë qenë me lëndime më të rënda janë duke u trajtuar në mjekimin intensiv qendror, kurse njëri prej tyre është dërguar në mjekimin intensiv të Kardiokirurgjisë”.

“…mosha sillet nga 25 deri në 45 vjeç. Shkalla sillet nga 35% deri në 50%. një pacientë në gjendje të rëndë i rëndë, por edhe të tjerët janë të rrezikuar për jetë se e kalojnë shkallë e djegies mbi 35%”.

Uka ka thënë se për shkak të shkallës së lartë të djegies këta pacientë kanë nevojë për trajtim jashtë vendit, raporton EO.

“Ata kanë shkallë të thellë të djegies dhe kanë nevojë për trajtim më të avancuar ndoshta edhe jashtë vendit”.

Pasditen e së martës një bombolë gazi ka shpërthyer në një qendër tregtare në Ferizaj, ku si pasojë mbetën të lënduar shumë persona, përderisa deri më tani nuk dihen shkaqet e zjarrit të shkaktuar.

 

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.