E mbyllur që nga data 8 maj, rruga Kaçanik-Han i Elezit është hapur për qarkullim gjatë ditës së sotme.
Ministri i Infrastrukturës, Pal Lekaj, ka thënë se rruga është sanuar brenda një kohe rekorde dhe tashmë është e hapur për qarkullim, transmeton Ferizaj24.
Në vendin ku ka pasur rrezik për shembje është vendosur një tjetër mur mbrojtës rreth 250 metra. Lekaj ka thënë se kjo rrugë do të vazhdohet të monitorohet.
