Loading...

Drejtoria komunale e bujqësisë po realizon aktualisht një projekt në ndihmë fermerëve që kanë ferma komerciale me lopë qumështore.
Në fshatin Muhoc sot ekipet që po implementonin këtë projekt duke e bërë korrigjimin e thundrave të lopëve meqë kështu e kishin vlerësuar të nevojshme fermerët.

VIDEO

Drejtori për Bujqësi dhe Pylltari Burim Bajrami shpjegon se ky projekt ka për qëllim që të nxisë një kulturë më të mirë për kujdesin ndaj shëndetit të kafshëve.

Ndërkaq fermeri Burim Sylejmani falënderoi komunën dhe implementuesit e këtij duke e konsideruar si të mjaft të nevojshme ndërhyrjen. Ai tregon se një shumë deri në 300 euro u duhet fermerëve nëse këtë proces e kryejnë në formë private.

Mjekët veterinerë shpjegojnë se me korrigjim të thundrave mbrohet mjaft mirë shëndeti i kafshëve dhe shtohet sasia e qumështit dhe e peshës së kafshëve. Këtë fakt po e fuqizojnë edhe zyrtarët e drejtorisë së Bujqësisë të cilët e kanë parë të arsyeshme të investohet në këtë projekt.

Qeveria lokale e Ferizajt zotohet për mbështetje të vazhdueshme për fermerët e fermave komerciale. Një subvencion tjetër po përgatitet që të realizohet së shpejti për shpërndarjen e 62 mëshqerrave në bashkëpunim edhe me organizata të bujqësisë, për fermerët e këtushëm të cilët i plotësojnë kriteret e parapara.

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.