auto unnamed15356421881 560x416 - Konfiskohet sasi e madhe e produkteve pa afat në Ferizaj

Inspektorati Komunal në Ferizaj, gjatë kontrolleve të javëve të fundit në fshatrat Pojatë, Rahovicë, Papaz, Sazli dhe Talinoc të Jerlive ka kapur një sasi të konsiderueshme të produkteve pa afat, të cilat janë ofruar për shitje për konsumatorët.

Me konstatimin e një gjendje të tillë, Inspektorati Komunal ka përgatitur procesverbalin përkatës dhe me gjithë dokumentacionin e nevojshëm, lënda do të dërgohet në organet gjyqësore.

Ndërkohë, produktet pa afat janë konfiskuar dhe asgjësuar nga KRM “Pastërtia”. Ky aksion po shtrihet gjerësisht për herë të parë edhe në zonat rurale të Ferizajt.

Kryeinspektori i Ferizajt, Ridvan Berisha tha se zgjerimi i këtij aksioni vjen si rezultat i qëllimit të qeverisjes lokale që inspektimet të shtrihen edhe në zonat rurale, në mënyrë që kontrolli të jetë i plotë për territorin tonë.

Ai ndër të tjera ka theksuar se ky aksion do të vijoj edhe në fshatra të tjera deri në përfundimin e ciklit të kontrollit në të gjithë zonën rurale të Ferizajt.

Komuna e Ferizajt inkurajon qytetarët që të denoncojnë rastet e tilla pranë autoriteteve kompetente lokale në mënyrë që tregu të pastrohet nga produktet që nuk përmbushin kushtet për konsum dhe siguria për qytetarët të rritet.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.