196499501 873199750074561 6232502126693650890 n 1 560x416 - Kuvendi i të Rinjve të Ferizajt shkëputet nga KRK

Kuvendi i të Rinjve të Ferizajt shkëputet nga qendra, zotohen se kjo do të ndikojë në ngritjen e kapaciteteve rinore e aktivizmi rinor do të jetë edhe me i unifikuar e i përsosur më tej.

Në Seancën tretë të Jashtëzakonshme për këtë Legjislaturë, Kuvendi i të Rinjve të Ferizajt ka miratuar Propozim-Vendimin për ndarjen e KRF-së nga KRK.

Ky Propozim erdhi si rrjedhojë e një procesi të gjatë problemesh që kishin evituar në të kaluarën dhe tash, mirëpo jo vetëm. KRF me datën 27 Maj 2021 me konsultim paraprak e diskutim të detajuar në seancën J-02/21 të datës 22 Maj 2021 dhe takimit mes Kryesisë së KRF-së po këtë ditë dhe të ‘Kryesisë së KRK-së’ i kanë propozuar “Planveprimin për situatën KRF-Qendër”.

Megjithëse nga ana tjetër gjatë seancës J-02/21 dhe takimit të lart cekur ishin shprehur për vazhdimësinë e bashkëpunimit dhe kërkonin të i paraqesim këto kërkesa dhe shqetësimet edhe nëpërmjet emailit dhe brenda një dite ata do të njoftonin rreth vendimit të tyre, një gjë e tillë e cila asnjëherë nuk ndodhi edhe sot pas më shumë se dy jave, siç deklarohen nga KRF.

Nga KRF thonë se në planveprim ceken në mënyrë eksplicite procedurat dhe afatet të përcaktuara nga Kuvendi i të Rinjve të Ferizajt, ku Kuvendi i të Rinjve të Ferizajt do të vazhdojë tutje. Atëherë sipas vullnetit të shumicës së paraqitur në Mbledhjen e Kuvendit të të Rinjve të Ferizajt, Kryesia sot propozoi shkëputjen nga Kuvendi i të Rinjve të Kosovës dhe ky propozim mori dritën jeshile të Kuvendit. Besim ky unanim nga anëtarët e KRF-së prezent në seancën e sotme.

Kuvendi i të Rinjve të Ferizajt gëzon mbështetje dhe përkrahje të pa rezervë nga qytetarët, institucionet komunale, ligjvënëse, arsimore e fondacionet që kanë të shtrirë fushëveprimin e tyre në Ferizaj e më gjerë, kjo lë të besoj se një vendim i tillë vetëm se do e ngris rolin e ndikimin e KRF-së në komunitet.

193544667 182171120579222 77986585378080771 n - Kuvendi i të Rinjve të Ferizajt shkëputet nga KRK 192072075 3948870101899483 910878487291027946 n - Kuvendi i të Rinjve të Ferizajt shkëputet nga KRK