Microsoft ka planifikuar që të dërgojë njoftime tek përdoruesit e Windows 7 për ti paralajmëruar rreth fundit të mbështetjes së sistemit operativ.

Gjigandi i softuerit nuk do të mbështesë më Windows 7 duke filluar nga 14 Janari i vitit të ardhshëm dhe për këtë do të paralajmërojë përdoruesit nga muaji i ardhshëm.

Jo vetëm Windows 7 por edhe Office 2010 nuk do të marrë më përditësime sigurie dhe kompania dëshiron që konsumatorët të kalojnë në një kompjuter Windows 10 ose Office 365.

Njoftimi nuk do të citojë specifikisht kalimin në Windows 10 por do të kujtojë përfundimin e mbështetjes së Windows 7 së bashku me një link tek sistemi operativ ku inkurajon konsumatorët të kalojnë në një kompjuter ose sistem operativ modern.

Microsoft ka mësuar nga gabimet e së kaluarës me njoftimet dhe ka vendosur që ti lejojë përdoruesit e Windows 7 ta injorojnë plotësisht. Paralajmërimet do të mbarojnë kur mbështetja për Windows 7 të përfundojë në Janar.

Këtë vit Windows 10 kaloi me sukses Windows 7 në pjesë tregu. Sistemi operativ i Microsoft tashmë është i instaluar në 800 milion pajisje.

Gradualisht po i afrohet objektivit të 1 miliardë pajisjeve dhe fundi i ciklit të Windows 7-ës do ta ndihmojë në këtë mision më herët sesa pritej.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.