w 103 560x356 - Ministria tregon gjendjen e rrugëve pas reshjeve të fundit

Ministria e Infrastrukturës ka njoftuar se rrugët në Kosovës janë të gjitha të kalueshme.

Në njoftim theksohet se për shkak të borës dhe ngricave në shumë rrugë është bërë ndërhyrje edhe me hedhje të kripës.

Nga zyra për informim e Ministrisë së Infastrukturës thuhet se ndër rajonet më të goditura nga reshjet ka qenë ai i Pejës ku ka pasur ndërhyrje në vazhdimësi, për t’i bërë rrugët të kalueshme, madje në rrugën Pejë-Bogë është bërë largimi i borës me hedhëse për shkak se nga bora kanë filluar të ngushtohen rrugët.

Më poshtë keni njoftimin e plotë për gjendjen e rrugëve që janë kompetencë e kësaj ministrie:

“Duke u bazuar në të dhënat e ekipeve të mirëmbajtjes së rrugëve të kontraktuar nga Ministria e Infrastrukturës, të gjitha rrugët nacionale, rajonale dhe auto-udhët janë të kalueshme.

Në të gjitha rrugët nën përgjegjësi të Ministrisë së Infrastrukturës ka pasur intervenime me kripë dhe largimin e borës në: Gjilani 1 dhe2, Prishtina 1 dhe 2, Auto-udhët R7, N9, R6, Ferizaj 1 dhe 2, Gjakova 1 dhe 2, Peja 1 dhe 2, Prizreni 1 dhe 2, Mitrovica 1 dhe2.

Për shkak të reshjeve të borës të kohë pas kohëshme në 24 orëshin e fundit dhe temperaturave nën zero (-4) u intervenua disa herë me kripë si dhe pastrim të borës në auto-udhën R6 Segmenti Doganaj-Hani i Elezit.

Ndërsa për shkak ngricave po intervenohet në shpërndarjen e kripës në të gjitha rrugët e regjionit të Prizrenit 2: M25 Prizren-Morinë, R115 Prizren – Prevallë , R113 Zhur -Dragash- Restelicë, R114 Dragash – Brod,

R222 Brezne – Zhur.

Peja është njëra nga komunat që ka pasur reshje më të mëdha të borës dhe është intervenuar në vazhdimësi për t’i mbajtur rrugët e qarkullueshme.
Në rrugën N9 Pejë-Bogë bëhet largimi i borës nga rruga me hedhëse (frezë) pasi sasia e borës është e madhe dhe ka filluar ngushtimi i rrugës. Bëhet shpërndarja e kripës kundër ngricave. Të gjitha rrugët janë të kalueshme për qarkullim.

Lusim qytetarët që të bëjnë kujdes gjatë ngasjes dhe t’iu përshtaten kushteve atmosferike.
Për çdo detaj Ministria e Infrastrukturës do t’iu mbajë të informuar.”