Instituti Hidrometeorologjik i Kosovës ka njoftuar se situatë e ngjashme meteorologjike sikurse në ditët e fundit do të vijojë edhe gjatë kësaj jave.
Kjo do të vazhdojë edhe në 10-ditëshin e parë të muajit korrik.
Të premten parashihet të ketë ulje në fushat barike, duke pasur ndryshim të përkohshëm të motit, që parashihet të shoqërohet me riga shiu dhe shkarkime rrufesh.
“Temperaturat minimale do të lëvizin ndërmjet 15-18 gradë celsius, ndërsa maksimalet e ditës parashihen të lëvizin ndërmjet 31-37 gradë celsius. Do të fryjë erë nga drejtimi i verilindjes dhe jugperëndimit me shpejtësi 1-11 m/s”, thuhet në njoftimin e IHMK-së.
