arberieee1 560x416 - Nagavci: Këtë javë mësimi do të vazhdohet siç është planifikuar, për javën tjetër vendim i ri

Ministrja e Arsimit, Arbërie Nagavci, ka mbajtur një konferencë për medie në të cilën ka diskutuar në lidhje me rifillimin e mësimit.

Ajo ka thënë  se deri më tani cdo gjë është duke shkuar siç duhet dhe se procesi mësimor gjatë ditës së sotme është zhvilluar normalisht, ndërsa vetëm në një shkollë në Mitrovicë mësimi pritet të nis nesër.

Ajo ka thënë se mësimi për nxënësit nga klasa e 6-9 do të transmetohet edhe në televizionin publik.

Ndërsa ka theksuar se vendimi për rikthimin e këtyre nxënësve në bankat shkollore do të merret javën e ardhshme.

“Për këto nivele të shkollimit do të vazhdoj në këtë javë online. Javën e ardhshme se si do të zhvillohet mësimi do të merret vendimi tutje, për secilën komunë vec e vec duke pasur parasysh se secila nga to ka specifikat e veta”, tha Nagavci.

Ajo tutje iu ka bërë thirrje të gjithë drejtuesve të shkollave, prindërve e mësidhënësve që të kenë kujdes të shtuar, jo vetëm në ruajtjen e shëndetit publik por që edhe secili nxënës të marrë njohurit e nevojshme gjatë mësimit.

“Përderisa mësimi po shkon pa pengesa, unë e shfrytëzoj këtë mundësi qofshin drejtor të shkollave, prindër, e mësidhënës që të angazhohemi të gjithë krahas kujdesin për shëndetit mësimor, të kujdesemi të mos lëmë anash asnjë fëmijë nga procesi mësimor dhe nga nxënia”, tha Nagavci.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.