unnamed 15 61 560x374 - Në Ferizaj përkujtohet Dëshmori i Kombit, Arsim Bega

Mëngjesin e sotëm, Kryetari i Komunës së Ferizajt, Agim Aliu i shoqëruar edhe nga nënkryetari Naim Ferati dhe drejtorët e drejtorive komunale, përfaqësues të familjeve të dëshmorëve, familjarë të Dëshmorit të Kombit, Arsim Bega, përfaqësues nga organizata e veteranëve të luftës së Ushtrisë Çlirimtare të Kosovës dhe qytetarë të tjerë, bën homazhe në nderim të jetës dhe veprës së Dëshmorit të Kombit, Arsim Bega në Varrezat e Dëshmorëve të Kombit të UÇK-së në Ferizaj.

Me këtë rast, i pari i Ferizajt, Agim Aliu tha se gjaku i Dëshmorëve të Kombit, solli lirinë e vendit dhe se çdo ditë e kaluar i bën Dëshmorët e Kombit me vlera të përjetshme andaj edhe familja edhe gjithë kombi ndihet krenar për bijtë dhe bijat më të shtrenjta që nuk kursyen jetën për lirinë dhe pavarësinë e vendit.

Edhe familjarët e Dëshmorit të Kombit, Arsim Bega, kujtuan me dhembje dhe krenari birin e tyre që ra në altarin e lirisë për më të shtrenjtën e kombit tonë, pavarësinë, lirinë dhe shtetin tonë.

Me vendosjen e kurorave të luleve dhe përkuljen para varrit të Dëshmorit të Kombit, Arsim Bega dhe para Lapidarit të Dëshmorëve të Kombit në Varrezat e Dëshmorëve të Kombit të Ushtrisë Çlirimtare të Kosovës në Ferizaj, përfunduan homazhet në nderim të jetës dhe veprës së dëshmorit, Arsim Bega.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.