Greve Shkolla 640x3001 560x300 - Pensionimi i mësimdhënësve të sëmurë pritet të rregullohet me ligj

Ministria e Arsimit, Shkencës dhe Teknologjisë (MASHT) është duke e shqyrtuar mundësinë që përmes një udhëzimi administrativ të rregullojë pensionimin e parakohshëm të mësimdhënësve që vuajnë prej sëmundjeve të rënda. Për këtë çështje, MASHT-i ka nisur diskutimet me Ministrinë për Punë dhe Mirëqenie Sociale (MPMS) dhe shumë shpejt do të marrë një vendim.

Këshilltari në Ministrinë e Arsimit, Valmir Gashi, ka thënë për gazetën se ministri Shyqiri Bytyqi tash e disa muaj po shikon mundësitë ligjore për ta rregulluar këtë çështje, shkruan sot “Koha Ditore”.

Ai ka bërë të ditur se aktualisht MASHT-i nuk posedon shifra të sakta për numrin e mësimdhënësve që lëngojnë nga sëmundjet e rënda.

“Ministri Bytyqi veç ka filluar komunikimet me ministrin e Punës dhe Mirëqenies Sociale, Skënder Reçica, dhe janë duke i parë mundësitë ligjore dhe implikimet e tjera, në mënyrë që të fillohet të rregullohet kjo çështje me ndonjë Udhëzim Administrativ. Ministri ka kohë që është duke u marrë me këtë, madje për këtë çështje ka folur edhe në seancat e Kuvendit të Kosovës”, është shprehur Gashi.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.