Policia në Ferizaj ka bërë të ditur se nga 5 korriku deri më 11 korrik, 28 personave u kanë hequr patentë shoferin, raporton Gazeta Express.
Nga policia është thënë se nga 5 korriku kanë shqiptuar 1 mijë e 452 gjoba në komunikacion.
Ndërsa, gjatë kësaj kohe në këtë komunë janë shkaktuar 27 aksidente në trafik.
12 persona janë të lënduar ndërsa 17 aksidente janë me dëme materiale.
Policia ka thënë se tani kur pritet fluks më i madh i automjeteve në rrugë do të vazhdojë me aktivitete të tilla e me masa të shtuara.
“Tani kur kemi fluks më të madh të automjeteve në rrugë, Drejtoria Rajonale e Policisë në Ferizaj, do të vazhdojë me aktivitete të tilla, me masa të shtuara, me qëllim parandalimin e aksidenteve në komunikacionin rrugor dhe fton qytetarët që të bashkëpunojnë me policinë”, është thënë nga policia.
Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.