Loading...

Paraditen e djeshme, në ambientet e Komunës së Ferizajt u mblodhën anëtarët e Komisionit Komunal për Emërtimin e Rrugëve, bashkë me Kryesuesen e Kuvendit të Komunës, Kristina Gashi Bytyçi dhe drejtorin e Urbanizmit dhe Mjedisit, Lulzim Aliu në takimin konsultativ me përfaqësues të forcave politike në Kuvend, me qëllim diskutimin e draftit përfundimtar të listës së emërtimit të rrugëve, rrugicave e shesheve në territorin e Ferizajt.

Kjo trupë me mandatin e dhënë nga Kuvendi tash e ca muaj ka bërë një punë të jashtëzakonshme me qëllim që përfundimisht të përmbyllet ky proces i nisur vite më parë.

Drejtori i Drejtorisë së Urbanizmit dhe Mjedisit, Lulzim Aliu tha se është lajm i mirë se puna e këtij komisioni ka marr aprovimin e konsensusin e plotë nga të gjitha forcat politike dhe qytetarët, çka dëshmon për seriozitetin e përgjegjësinë e qeverisjes lokale të drejtuar nga Kryetari i Ferizajt, Agim Aliu, përkitazi me këtë proces.

Edhe Kryesuesja e Kuvendit të Komunës, Kristina Gashi Bytyçi, duke paralajmëruar se së shpejti ky dokument do t’i prezantohet në mbledhje anëtarëve të Kuvendit, vlerësoi se procesi i emërtimit të rrugëve, rrugicave e shesheve në gjithë territorin e Ferizajt, paraqet një rëndësi për vet institucionin dhe gjithë qytetarët

Bëje LIKE dhe merr lajmin e fundit nga Ferizaj24:

Loading...



Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.