Filmbërësi Ridley Scott është shumë pranë realizimit të planit të tij për xhirimin e një vazhdimi për filmin klasik nga viti 2000, “Gladiator”.

Asokohe, filmi fitoi pesë çmime Oscar, duke përfshirë edhe çmimin për aktorin më të mirë në rol kryesor për Russell Crowe, i cili luajti rolin e Maximus (një gjenerali të fuqishëm romak që detyrohet të bëhet gladiator).

Pikërisht ai rol bëri që Crowe të bëhet yll i madh ndërkombëtar, mirëpo karakteri i tij vdes në fund të filmit.

[embedded content]

Sipas Deadline, vazhdimi do të fokusohet te Lucius, nipi i perandorit Commodus (që u portretizua nga Joaquin Phoenix).

Scott, i cili u nominua për regjinë më të mirë të filmit origjinal, do ta drejtojë edhe vazhdimin e tij.

Skenari do të shkruhet nga Peter Craig, i njohur për punën e tij në “The Town”, dy nga filmat “Hunger Games”, si edhe filmin e ardhshëm, vazhdimin e “Top Gun”.

ridley scott prane kompletimit te planit per xhirimin e gladiator 2 - Ridley Scott pranë kompletimit të planit për xhirimin e “Gladiator 2”

Russell Crowe e fitoi çmimin Oscar për rolin e tij në “Gladiator” (Foto: Kevin Winter/Getty Images/Guliver)

Plani i Ridley Scott për një vazhdim e sheh karakterin e Crowe, Maximus, që i ka lënë përshtypje Luciusit të ri duke u hakmarrë për familjen e tij. (Lucius ishte djali i Lucillas që u portretizua nga Connie Nielsen në filmin origjinal).

Në ndërkohë, nuk është dhënë asnjë datë për fillimin e realizimit të filmit apo për lansimin e tij. /Telegrafi/

Bëje LIKE dhe merr lajmin e fundit nga Ferizaj24:

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.