Drejtori i Administratës Tatimore të Kosovës (ATK), Sakip Imeri, ka vizituar zyrën regjionale të ATK-së në Ferizaj.

Sipas një komunikate nga ATK-ja, gjatë këtij takimi janë diskutuar çështjet që ndërlidhen me aktivitetet dhe ecuritë e planifikimeve operative, me theks të veçantë trendin e të hyrave, si dhe realizimin e projeksionit për vitin 2018, trajtimi i kërkesave të tatimpaguesve për rimbursime tatimore, procesi i kontrolleve tatimore, fiskalizimi i bizneseve dhe aktivitetet shtesë për mbledhjen e borxheve etj.

Sipas komunikatës, Imeri porositi zyrtarët e ATK-së, që t’ju ofrojnë shërbime profesionale dhe në kohë tatimpaguesve dhe të zbatojnë në përpikëri kërkesat ligjore me qëllim të rritjes së të hyrave tatimore, ku secili paguan pjesën që i takon me ligj, sepse sipas tij, në ketë mënyrë kontribuojnë drejtpërdrejt në ndërtimin e shtetit dhe njëherit në ngritjen e standardit jetësor të popullit të Kosovës.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.