41505281 1954646684581157 3683497784230543360 o1 560x416 - Veseli: Vitin e ardhshëm nis projekti shekullor për Ferizajn

Kryetari i Kuvendit të Kosovës, Kadri Veseli,dhe ministri i Kulturës, Rinisë dhe Sportit, Kujtim Gashi, janë takuar në Ferizaj me kreun e kësaj komune, Agim Aliun.

Këtë takim e kanë zhvilluar në zyrën e kryetarit, para se të shkojnë së bashku në Greme të Ferizajt për ta vendosur gurthemelin për ndërtimin e Sallës Sportive.
Kryetari i Kuvendit të Kosovës, njëherësh lider i PDK-së, Kadri Veseli, i ka siguruar qytetarët e Ferizajt se vitin e ardhshëm do të fillojë realizimi i projektit më të madh të shekullit, që parasheh ndërtimin e hekurudhës mbi një urë gjigante e cila do të bashkojë përgjithmonë qytetin e Ferizajt.
Kryetari Veseli tha se për realizimin e këtij projekti është në koordinim të plotë me kryetarin e Komunës Agim Aliu, dhe me deputetët e kësaj zone, raporton EO.

“Sot kemi bashkëbiseduar me kryetarin e Komunës së Ferizajt, Agim Aliu. Do ta realizojmë projektin e shekullit për Komunën e Ferizajt. Janë rreth 7 milionë që janë duke u investuar në bashkimin e qytetit. Por ju zotohem juve se së bashku me kryetarin Agim Aliu dhe Qeverinë e Kosovës, brenda vitit 2021 do ta kryejmë bashkimin e qytetit, duke e ndërtuar një nga projektet më të mira. Sikurse autostradën “Arbën Xhaferi”, do të ndërtojmë edhe hekurudhën përmes qytetit, përmes urës, që të kemi vërtet bashkimin e qytetit”, tha Kreu i Kuvendit, njëherësh lider i PDK-së, Kadri Veseli gjatë vizitës që të martën i bëri qytetit të Ferizajt.

Ai tha se në hekurudhën e qytetit, do të ndërtohet një urë impozante, e ngjashme me ato që shihen edhe në autostradën “Arbën Xhaferi”.

Bëje LIKE dhe merr lajmin e fundit nga Ferizaj24:

Përmbajtjet që i merr Ferizaj24 nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Ferizaj24 botohet në www.ferizaj24.info dhe mund të merren në tërësi, sipas licencës Creative Commons 4.0.